म. ए. सो. वाघीरे विदयालयात इयत्ता 10 वी, 12 वी च्या परीक्षेत घवघवीत यश संपादन केलेल्या गुणवंत विद्यार्थ्यांचा सत्कार आणि कौतुक समारंभ अत्यंत उत्साहात पार पडला. या सोहळ्यासाठी शाला समिती अध्यक्ष श्री राहुल मिरासदार आणि शाला समितीचे महामात्र श्री सुधीर भोसले यांची उपस्थिती होती. कार्यक्रमाचे प्रमुख पाहुणे शाळेचे माजी विद्यार्थी श्री.पांडुरंग बुधे (Production Manager, Accurate Engingeering company ) हे होते.
कार्यक्रमाची सुरवात सरस्वती पूजन, आणि स्वागत गीताने झाली. विद्यालयाचे मुख्याध्यापक श्री कांबळे सर यांनी आपल्या प्रास्ताविकात विद्यालयाच्या शैक्षणिक प्रगतीविषयी माहिती दिली. श्री को-हाळे यांनी पाहुण्यांचा परिचय करून दिला.
या वर्षी शाळेचा इयत्ता दहावीचा निकाल 100% तर 12 वी कला शाखेचा 86.66% आणि विज्ञान शाखेचा 95.23% लागला आहे.
१० वी आणि १२ वी परीक्षेत शाळेत प्रथम, द्वितीय, तृतीय आलेल्या विद्यार्थ्यांसह ९०% पेक्षा अधिक गुण मिळविणाऱ्या सर्वच यशस्वी विद्यार्थ्यांचा पाहुण्यांच्या हस्ते सन्मानचिन्ह, शैक्षणिक साहित्य देऊन गौरव करण्यात आला.
प्रमुख पाहुणे श्री. पांडुरंग बुधे यांनी मनोगत व्यक्त करताना विद्यार्थ्यांच्या कौतुक समारंभाला माजी विद्यार्थी म्हणून बोलविणे माझ्यासाठी अभिमानाचा क्षण आहे, असे सांगितले. विद्यालयाचे वरिष्ठ शिक्षक श्री. कोळंबे सर यांनी आपल्या मनोगतातून 'मोठी स्वप्नं पहा व ती सत्यात उतरविण्यासाठी अथक परिश्रम करा' हा संदेश विद्यार्थ्यांना दिला. महामात्र श्री सुधीर भोसले यांनी 'सोशल मिडीयाचा योग्य कारणासाठी वापर करा व त्यातील चांगल्या गोष्टींपासून प्रेरणा घेऊन यश संपादन करा' असे सांगितले. शाला समितीचे अध्यक्ष श्री राहुल मिरासदार यांनी 'विद्यार्थ्यांनी शाळेच्या आठवणी जपाव्यात, नवीन क्षेत्रात ज्या ठिकाणी वाव आहे त्याची माहिती घ्यावी व त्यात यश संपादन करावे' हा संदेश दिला.
कार्यक्रमासाठी विद्यालयाचे उपमुख्याध्यापक श्री सुरवसे तसेच विद्यालयाच्या पर्यवेक्षिका सौ. लडकत व्यासपीठावर उपस्थित होते. कार्यक्रमाचे सूत्रसंचालन विद्यालयाच्या वरिष्ठ शिक्षिका सौ. रिकामे यांनी केले. आणि आभार श्री खैरनार यांनी मानले.
दरवर्षी आळंदीपासून पंढरपूरला जाणाऱ्या वारीतील ज्ञानेश्वर माऊलींच्या पालखीचे स्वागत करण्यासाठी दरवर्षी विद्यालय ‘विद्यार्थी दिंडी’चे आयोजन करते.
या वर्षी सासवड येथे पालखीचे आगमन दि ११ जुलै २०२६ रोजी झाले. पालखीच्या स्वागतासाठी आयोजित केलेल्या दिंडी पथकाच्या कार्यक्रमात शाळेतील सुमारे ८० विद्यार्थ्यांनी तसेच सकाळ व दुपार विभागाच्या शिक्षकांनी सहभाग घेतला.
वारकरी वेष धारण करून, टाळांच्या तालावर संतांचे अभंग गात गात या दिंडीमध्ये विद्यार्थी सहभागी झाले. काही विद्यार्थ्यांनी संत ज्ञानेश्वर , निवृत्तिनाथ, मुक्ताई ,आणि सोपानदेव या संतांची वेशभूषाही केली होती. ही विद्यार्थी दिंडी प्रशालेतून निघाली आणि पुणे-सासवड या पालखी महामार्गावरून सासवडकडे येणाऱ्या ज्ञानेश्वर महाराजांच्या पालखीला स्वागतासाठी सामोरी गेली.
या प्रसंगी विद्यालयातील विद्यार्थिनी कुमारी अनुप्रिया पाडळकर हिने साक्षरता आणि सार्वजनिक स्वच्छता या विषयांवर वारकऱ्यांचे प्रबोधन करण्याकरता लिहिलेल्या पथनाट्याचे सादरीकरण इयत्ता आठवी तक्षशिला आणि नालंदा या वर्गातील अनुप्रिया पाडळकर, संस्कृती जगताप.गार्गी नाचण. कार्तिकी ठाकरे, स्वराली शिवरकर आणि जान्हवी शेंडकर या विद्यार्थिनींनी केले. या विद्यार्थिनींना विद्यालयाच्या मराठी विषयाच्या शिक्षिका सौ संगीता रिकामे आणि शिक्षक श्री सूर्यकांत खैरनार यांनी मार्गदर्शन केले होते.
दिंडीत सहभागी झालेल्या विद्यालयातील शिक्षक-शिक्षिकांनीदेखील विद्यार्थ्यांसोबत वारकरी नृत्य केले. दिंडीचे नियोजन विद्यालयातील शिक्षक श्री शिवहार लहाने श्री हिरामण सहारे , श्री शंकर विभाड इत्यादी शिक्षकांनी केले होते.
वीर बाजीप्रभू यांनी स्वराज्याकरिता दिलेल्या बलिदानाची आठवण म्हणून महाराष्ट्र एज्युकेशन सोसायटीतर्फे संस्थेच्या सर्व शाखांमध्ये दरवर्षी विद्यार्थ्यांची 'पावनखिंड दौड' आयोजित केली जाते.
यावर्षी दिनांक 18 जुलै रोजी ही विद्यार्थी दौड वाघीरे विद्यालयांमध्ये आयोजित करण्यात आली. यानिमित्ताने आयोजित करण्यात आलेल्या विशेष कार्यक्रमामध्ये प्रमुख पाहुणे म्हणून सासवड येथील श्री गुरुसेवा मंडळाचे संस्थापक अध्यक्ष मा. कुंडलिक शंकरराव पाटोळे यांना निमंत्रित करण्यात आलेले होते. सदर कार्यक्रमाचे अध्यक्ष स्थान विद्यालयाचे महामात्र मा. सुधीर भोसले यांनी भूषविले.
कार्यक्रमाचे प्रास्ताविक मुख्याध्यापक मा. राजेंद्र कांबळे यांनी केले. प्रमुख पाहुणे कुंडलिक पाटोळे यांनी आपल्या ओजस्वी भाषणामध्ये शिवस्वराज्याच्या अनेक शिलेदारांच्या पराक्रमाचा इतिहास विद्यार्थ्यांसमोर जीवंत शैलीमध्ये उलगडून दाखवला. महामात्र सुधीर भोसले यांनी आपल्या मनोगतातून पावनखिंड दौड आयोजित करण्यामागचा हेतू सर्वांना स्पष्ट करून सांगितला.
पावनखिंड दौडीमध्ये इयत्ता नववीचे सर्व विद्यार्थी सहभागी झालेले होते. प्रमुख पाहुणे आणि महामात्र यांनी ध्वज दाखवून या दौडीची सुरुवात करून दिली. वाघीरे विद्यालयापासून सासवड येथील वाघ डोंगरापर्यंत धावत जाऊन या विद्यार्थ्यांनी ही दौड पूर्ण केली.
याप्रसंगी विद्यालयाचे उपमुख्याध्यापक शंतनू सुरवसे पर्यवेक्षिका अर्चना लडकत म.ए.सो. इंग्लिश मीडियमच्या मुख्याध्यापिका सरोज जांगडा, म. ए. सो. बालविकास मंदिरचे मुख्याध्यापक भाऊसाहेब बडदे हे मान्यवर मंचावर उपस्थित होते.
सदर कार्यक्रमाचे सूत्रसंचालन विद्यालयाचे शिक्षक सूर्यकांत खैरनार यांनी केले. पाहुण्यांचा परिचय नरेंद्र महाजन यांनी करून दिला तर आभार प्रदर्शनाची जबाबदारी भाऊसाहेब बडदे यांनी पार पाडली.
दरवर्षी आळंदीपासून पंढरपूरला जाणाऱ्या वारीतील ज्ञानेश्वर माऊलींच्या पालखीचे स्वागत करण्यासाठी दरवर्षी विद्यालय ‘विद्यार्थी दिंडी’चे आयोजन करते.
या वर्षी सासवड येथे पालखीचे आगमन दि ११ जुलै २०२६ रोजी झाले. पालखीच्या स्वागतासाठी आयोजित केलेल्या दिंडी पथकाच्या कार्यक्रमात शाळेतील सुमारे ८० विद्यार्थ्यांनी तसेच सकाळ व दुपार विभागाच्या शिक्षकांनी सहभाग घेतला.
वारकरी वेष धारण करून, टाळांच्या तालावर संतांचे अभंग गात गात या दिंडीमध्ये विद्यार्थी सहभागी झाले. काही विद्यार्थ्यांनी संत ज्ञानेश्वर , निवृत्तिनाथ, मुक्ताई ,आणि सोपानदेव या संतांची वेशभूषाही केली होती. ही विद्यार्थी दिंडी प्रशालेतून निघाली आणि पुणे-सासवड या पालखी महामार्गावरून सासवडकडे येणाऱ्या ज्ञानेश्वर महाराजांच्या पालखीला स्वागतासाठी सामोरी गेली.
या प्रसंगी विद्यालयातील विद्यार्थिनी कुमारी अनुप्रिया पाडळकर हिने साक्षरता आणि सार्वजनिक स्वच्छता या विषयांवर वारकऱ्यांचे प्रबोधन करण्याकरता लिहिलेल्या पथनाट्याचे सादरीकरण इयत्ता आठवी तक्षशिला आणि नालंदा या वर्गातील अनुप्रिया पाडळकर, संस्कृती जगताप.गार्गी नाचण. कार्तिकी ठाकरे, स्वराली शिवरकर आणि जान्हवी शेंडकर या विद्यार्थिनींनी केले. या विद्यार्थिनींना विद्यालयाच्या मराठी विषयाच्या शिक्षिका सौ संगीता रिकामे आणि शिक्षक श्री सूर्यकांत खैरनार यांनी मार्गदर्शन केले होते.
दिंडीत सहभागी झालेल्या विद्यालयातील शिक्षक-शिक्षिकांनीदेखील विद्यार्थ्यांसोबत वारकरी नृत्य केले. दिंडीचे नियोजन विद्यालयातील शिक्षक श्री शिवहार लहाने श्री हिरामण सहारे , श्री शंकर विभाड इत्यादी शिक्षकांनी केले होते.
महाराष्ट्राचे जेष्ठ नेते, माजी उपमुख्यमंत्री स्व.अजितदादा पवार यांची जयंती आज दि. २२ जुलै २०२६ रोजी विद्यालयात साजरी करण्यात आली.
तळागाळातील नेता, शिस्तबद्ध प्रशासक व धडाडीचे विकास पुरुष म्हणून त्यांची ओळख होती. ग्रामीण विकासासाठी त्यांनी केलेल्या कार्याची प्रेरणा नव्या पिढीला देण्यासाठी आपल्या शाळेत हा दिवस मोठ्या उत्साहात साजरा करण्यात आला. इ. ७ वी तक्षशिला मधील कु.प्रणया कडू व सर्वेश गार्डी यांनी स्व.अजित पवार यांच्या जीवनावर आधारित भाषण केले.
शिक्षक मनोगतात श्री.लहाने सर यांनी अजित दादांच्या कामाची शिस्त व सचोटी याबद्दल माहिती दिली. मा.उपमुख्याध्यापक श्री.सुरवसे सर यांनी दादांच्या तीन दशकांच्या कारकीर्दीत त्यांनी केलेले विकासकार्य, कामांचे चोख नियोजन व आस्था याबाबत माहिती सांगितली.
या जयंतीमुळे विद्यार्थ्यांना महाराष्ट्राच्या विकासातील एका थोर नेत्याचा आदर्श समजला.
सौ. घोलप व सौ.सहारे यांनी विद्यार्थ्यांना कार्यक्रमाच्या नियोजनासाठी मार्गदर्शन केले.
स्वातंत्र्य लढ्यातील महान नेते लोकमान्य बाळ गंगाधर टिळक यांची जयंती आज दि. 23 जुलै 2026 रोजी विद्यालयात साजरी करण्यात आली.
"स्वराज्य हा माझा जन्मसिद्ध हक्क आहे आणि तो मी मिळवणारच!" हा त्यांचा सिंहनाद आजही प्रत्येक भारतीयाच्या मनात देशभक्ती जागृत करतो. नव्या पिढीला राष्ट्रभक्तीचे महत्त्व सांगण्यासाठी आपल्या शाळेत हा दिवस मोठ्या उत्साहात साजरा करण्यात आला.
५ वी बोधगया वर्गातील सुरभी खोचरे, इ. ६ वी तक्षशिला वर्गांमधील जय जगताप, सृष्टी चव्हाण तसेच कृष्णा बेंगळे यांनी लो.टिळकांच्या वेशभूषेत व खणखणीत आवाजात भाषण केले.
उपमुख्याध्यापक सुरवसे सर यांनी लोकमान्य टिळक यांचे स्वातंत्र्य लढ्यातील कार्य,निडर नेतृत्वाने आणि जनमानसातील आदरामुळे त्यांना मिळालेली 'लोकमान्य' ही पदवी, ब्रिटिश अधिकारी त्यांना "भारतीय असंतोषाचे जनक" का म्हणत अशा अनेक गोष्टींची माहिती विद्यार्थ्यांना दिली.
कार्यक्रमाचे सूत्रसंचालन ६ वी तक्षशिला मधील शुभ्रा जगताप हिने केले तर आभारप्रदर्शन दूर्वा मरळ या विद्यार्थीनींने केले.
सौ. घोलप व सौ.सहारे यांनी विद्यार्थ्यांना कार्यक्रमाच्या नियोजनासाठी मार्गदर्शन केले.
या जयंती कार्यक्रमामुळे विद्यार्थ्यांना देशाला स्वातंत्र्य मिळवून देण्यासाठी झटणाऱ्या एका थोर नेत्याचा आदर्श समजला.
भारतात सर्वत्र २६ जुलै हा कारगिल विजय दिवस म्हणून साजरा केला जातो. आज दिनांक २७ जुलै २०२६ रोजी आपल्या प्रशालेतही हा दिवस साजरा करण्यात आला. सकाळ विभागातील विद्यार्थ्यांनी यात सहभाग घेतला होता.
कार्यक्रमाचे प्रास्ताविक श्री. लहाने सर यांनी केले.
१९९९ मध्ये लडाखमधील उत्तर कारगिल जिल्ह्यातील पर्वत शिखरांवर पाकिस्तानी सैन्याने कब्जा केला. त्यांच्या ताब्यातील स्थानांवरून त्यांना हुसकावून लावण्यासाठी आपल्या जवानांनी पराक्रमाची शर्थ केली. कारगिल युद्धात पाकिस्तानवर भारताचा विजय साजरा करण्यासाठी, २६ जुलै रोजी भारतात 'कारगिल विजय दिवस' साजरा केला जातो अशी माहिती सरांनी सांगितली. यानंतर शिवम सचिन जगताप, श्रेयस सचिन वाघोले सुरभी तुकाराम खोचरे या पाचवीतील विद्यार्थ्यांनी कारगिल युद्धासंदर्भात आणखी माहिती सांगितली.
इयत्ता सातवीमधील आर्या पोमण या विद्यार्थिनीने कार्यक्रमाचे सूत्रसंचालन केले.विद्यार्थ्यांमध्ये देश प्रेम, भारतीय सैनिकांबद्दल अस्मिता जागृत करण्याचे काम या कार्यक्रमाने केले.कार्यक्रमाचे नियोजन महिना प्रमुख सौ.सहारे व सौ. घोलप यांनी केले होते.
दिनांक १५ जुलै २०२६ रोजी इ. ५ वी ते ७ वी च्या विद्यार्थ्यांसाठी शालेय वक्तृत्व स्पर्धा घेण्यात आली.
वक्तृत्व स्पर्धेसाठी इयत्ता निहाय वेगवेगळे विषय देण्यात आलेले होते.या स्पर्धेत विद्यार्थ्यांनी उत्स्फूर्तपणे सहभाग घेतला. वक्तृत्व स्पर्धेचे परीक्षण सौ. गावीत, कु.न्हालवे, सौ. जगताप या शिक्षिकांनी केले. स्पर्धेचे नियोजन सौ.घोलप व सौ.सहारे यांनी केले. प्रशालेचे मा.उपमुख्याध्यापक श्री.सुरवसे सर यांच्या मार्गदर्शनानुसार स्पर्धा संपन्न झाली.
दिनांक २७ जुलै रोजी या वक्तृत्व स्पर्धेतील यशस्वी विद्यार्थ्यांना भेटवस्तू देऊन त्यांचे कौतुक करण्यात आले.
स्पर्धेचा निकाल पुढीलप्रमाणे ..
इ. ५ वी
1.शिवम सचिन जगताप .. ५ वी नालंदा
2.सुरभी तुकाराम खोचरे..५ वी बोधगया
3.श्रेयस सचिन वाघोले.. ५ वी नालंदा
इ.६ वी
1.कृष्णा बेंगळे.. ६ वी तक्षशिला
2.सृष्टी चव्हाण..६ वी तक्षशिला
3.जय जगताप.. ६ वी तक्षशिला
इ.७ वी
1.तन्वी उमेश पवार.. ७ वी तक्षशिला
2.रुणल गणेश काळे.. ७ वी नालंदा
3.प्रणया गणेश कडू.. ७ वी तक्षशिला
भारतीय संस्कृतीत गुरुंना अनन्यसाधारण महत्त्व आहे. "गुरुर्ब्रह्मा गुरुर्विष्णु:..." या उक्तीप्रमाणे गुरुंचे ऋण फेडण्यासाठी आणि विद्यार्थ्यांमध्ये गुरु-शिष्य परंपरेचे महत्त्व रुजवण्यासाठी हा कार्यक्रम आयोजित करण्यात आला होता.
शाळेचे उपमुख्याध्यापक श्री. सुरवसे सर, प्रमुख पाहुण्या सौ.किशोरी पवार ,मान्यवर शिक्षक यांच्या हस्ते सरस्वती पूजन करून कार्यक्रमाची सुरूवात झाली.इयत्ता सहावीच्या विद्यार्थ्यांनी गुरुवंदना प्रार्थना सादर केली.त्यानंतर प्रांजल खैरनार हिने कार्यक्रमाचे प्रास्ताविक केले.
सौ. सहारे मॅडम यांनी प्रमुख पाहुण्यांचा परिचय करून दिला.
सर्व विद्यार्थ्यांनी आपल्या वर्गशिक्षकांना श्रीफळ, गुलाब पुष्प,कागदी पुष्पगुच्छ भेट देऊन गुरूंप्रती कृतज्ञता व्यक्त केली.
कार्यक्रमाच्या प्रमुख पाहुण्या सौ .पवार यांनी विद्यार्थ्यांना त्यांच्या शाळेतील आठवणी सांगितल्या. आपल्याच शाळेच्या माजी विद्यार्थिनी असलेल्या पवार मॅडम यांनी विद्यार्थ्यांना गुरुंच्या जीवनातील त्याग आणि समर्पण याबद्दल मार्गदर्शन केले .तसेच विद्यार्थ्यांनी भविष्यात समाजोपयोगी काम केले पाहिजे असा संदेश दिला.
इयत्ता ७ वी मधील तन्वी पवार, रुणल काळे , प्रणया कडू या विद्यार्थ्यांनी गुरुंचा महिमा आपल्या भाषणांमधून सांगितला.
प्रशालेच्या माननीय पर्यवेक्षिका सौ.लडकत मॅडम यांनी विद्यार्थ्यांना शुभेच्छा दिल्या. बोरकर अनुजा हिने कार्यक्रमाचे आभार प्रदर्शन केले.
हा कार्यक्रम विद्यार्थ्यांसाठी प्रेरणादायी ठरला. गुरुंच्या प्रती आदर, कृतज्ञता आणि शिस्त या मूल्यांची जाणीव विद्यार्थ्यांमध्ये निर्माण झाली. सौ. सहारे व सौ. घोलप यांनी कार्यक्रमाचे नियोजन केले.
विद्यायालयात १ ऑगस्ट २०२६ रोजी लोकशाहीर आण्णा भाऊ साठे यांची जयंती आणि लोकमान्य टिळक पुण्यतिथी यांच्या निमित्ताने कार्यक्रम आयोजित करण्यात आला. कार्यक्रमाच्या सुरुवातीला प्रशालेतील शिक्षक देशराज कोळंबे , संगीता रामदासी, संगीता रिकामे, चंद्रकांत भोकटे , सूर्यकांत खैरनार, माने.एस. ए. तसेच सेवक महादेव भांडवलकर,वैभव म्हेत्रे ,शारदा सोळंके यांनी लोकमान्य टिळक आणि लोकशाहीर अण्णा भाऊ साठे यांच्या प्रतिमांचे पूजन केले.
इयत्ता आठवी मधील विद्यार्थिनी अनुप्रिया पाडळकर हिने लोकमान्य टिळकांच्या 'स्वराज्य हा माझा जन्मसिद्ध हक्क आहे आणि तो मी मिळवणारच' या सिंहगर्जनेची आठवण करून दिली. टिळकांनी केसरी या वृत्तपत्राच्या माध्यमातून पेटवलेली वैचारिक क्रांतीची ज्वाला आणि सार्वजनिक गणेशोत्सवाच्या माध्यमातून घडवून आणलेली लोकजागृती यांचे प्रभावशाली चित्र तिने आपल्या भाषणातून उभे केले.
इयत्ता आठवीतील अक्षरा उघडे या विद्यार्थिनीने लोकशाहीर अण्णा भाऊ साठे यांच्या जीवनकार्याचा आणि त्यांच्या अजरामर साहित्याचा आढावा घेतला. 'माझी मैना गावाकडं राहिली' यासारख्या लावण्यांमधून आणि 'फकिरा' सारख्या कादंबऱ्यांमधून त्यांनी शोषित-पीडितांचे दुःख जगासमोर कसे मांडले, याचे भावपूर्ण वर्णन तिने मनोगतामध्ये केले
संगीता रिकामे यांनी आपल्या प्रबोधनामध्ये मुलांना अण्णाभाऊ साठे व लोकमान्य टिळक यांच्या कार्याविषयीची माहिती सांगितली.लोकमान्य टिळकांचे राष्ट्रप्रेम आणि अण्णा भाऊ साठे यांची सामाजिक बांधिलकी हे आजच्या युवा पिढीसाठी प्रेरणास्थान आहे. 'या दोन्ही महापुरुषांचे विचार आत्मसात करणे हीच त्यांना खरी आदरांजली ठरेल' असा उपदेश त्यांनी मुलांना केला.
या कार्यक्रमाचे सूत्रसंचालन सूर्यकांत खैरनार यांनी केले.
दि. ११ ऑगस्ट २०२६ रोजी विद्यार्थ्यांनी नॅशनल इन्स्टिट्यूट ऑफ व्हायरोलॉजी (NIV) च्या पुणे येथील मुख्य कार्यालयाला भेट दिली. या शैक्षणिक भेटीमध्ये इयत्ता ९ वी ते १२ वी मधील एकूण १७ विद्यार्थी सहभागी झाले होते. विद्यार्थ्यांना "Spend One Day as a Scientist in ICMR" या थीम अंतर्गत वैज्ञानिक वातावरणाचा अनुभव घेण्याची संधी मिळाली. विद्यार्थ्यांच्या सोबत मार्गदर्शक शिक्षक म्हणून श्री. तुंगार सर आणि कनिष्ठ महाविद्यालयीन शिक्षिका कामठे मॅडम यांनी सहभाग घेतला.
भेटीदरम्यान विद्यार्थ्यांनी संस्थेतील प्रमुख शास्त्रज्ञांच्या कार्याची माहिती घेतली. संस्थेचे संचालक डॉ. नवीन कुमार, इन्फ्लुएंझा ग्रुपच्या प्रमुख डॉ. वर्षा पोतदार, एपिडेमियोलॉजी विभागातील सायंटिस्ट डॉ. अविनाश देवशटवार, बॅक्टेरियोलॉजी विभागातील सायंटिस्ट डॉ. राजलक्ष्मी विश्वनाथन, बायो-सेफ्टी समितीच्या सचिव डॉ. कविता लोले, बायोसेफ्टी समित्यांच्या अंतर्गत तज्ज्ञ डॉ. अनिता शेटे या मान्यवरांनी विद्यार्थ्यांशी संवाद साधला.
विद्यार्थ्यांनी शास्त्रज्ञांना विषाणूशास्त्र (Virology), लस निर्मिती, आजारांचे निदान आणि जैव-सुरक्षा (Biosafety) यांसारख्या विविध विषयांवर प्रश्न विचारले. शास्त्रज्ञांनीही विद्यार्थ्यांच्या सर्व शंकांचे निरसन करून त्यांना संशोधनात्मक करिअरसाठी प्रोत्साहित केले.
विद्यार्थ्यांनी एनआयव्ही मधील अत्याधुनिक प्रयोगशाळांना भेट देऊन रोग प्रादुर्भाव करणाऱ्या विविध विषाणूंच्या नमुन्यांची कशी तपासणी केली जाते, रोगजंतूंचा फैलाव कसा होतो आणि त्यावर नियंत्रण कसे मिळवले जाते याचे प्रात्यक्षिक समजून घेतले. उच्च धोक्याच्या जंतूंवर (High-risk pathogens) काम करताना पाळावयाची बायोसेफ्टी मानके आणि कार्यपद्धतीचा अभ्यास विद्यार्थ्यांनी केला.
ही भेट विद्यार्थ्यांसाठी अत्यंत ज्ञानवर्धक आणि प्रेरणादायी ठरली. यामुळे विद्यार्थ्यांना शालेय पुस्तकी ज्ञानाच्या पलीकडे जाऊन प्रत्यक्ष वैज्ञानिक संशोधन कसे चालते हे जवळून पाहता आले आणि भविष्यात विज्ञान व आरोग्य क्षेत्रात करिअर करण्यासाठी नवी दिशा मिळाली.
वाघीरे माध्यमिक विद्यालयातून इयत्ता ७ वीच्या स्ॉलरशिप परीक्षेसाठी एकूण ६० विद्यार्थी बसले होते. त्यापैकी २५ विद्यार्थी पात्र ठरले. परीक्षेचा शेकडा निकाल - ४१.६७ % इतका लागला.
या परीक्षेत पुढील सहा विद्यार्थ्यांनी ३०० पैकी २०० पेक्षा अधिक गुण मिळवले
१) शेट्टी सिद्धी सुरेश- (२४४ गुण)
२) हिप्परकर कार्तिक गोकुळ- (२३४ गुण)
३) कुंजीर वेदांत दत्तात्रेय- (२२६ गुण)
४) निरगुडे तनिष्क संतोष- (२२४ गुण)
५) तोडकर शुभंकर अभिजित- (२१० गुण)
६) चि. जांभळे ओम गणेश- (२०६ गुण)
यापैकी पुढील चार विद्यार्थ्यांना शिष्यवृत्ती मिळाली.
१) शेट्टी सिद्धी सुरेश (रँक १५६)
२) हिप्परकर कार्तिक गोकुळ (रँक २४९)
३) कुंजीर वेदांत दत्तात्रय (रँक ३४०)
४) निरगुडे तनिष्क संतोष (रँक ३७०)
या विद्यार्थ्यांना रूपाली घोलप ,वर्षा जगताप, अश्विनी सावंत, संगीता केंगले आणि चित्रा सहारे या शिक्षिकांनी मार्गदर्शन केले होते.
दिनांक ११ ऑगस्ट रोजी शिष्यवृत्तीस पात्र झालेल्या सर्व विद्यार्थ्यांचे प्रशालेतर्फे पेढे व भेटवस्तू देऊन विद्यार्थ्यांचे अभिनंदन करण्यात आले.
या कार्यक्रमासाठी या सर्व विद्यार्थ्यांचे पालक, शालेय पदाधिकारी व मार्गदर्शक शिक्षक उपस्थित होते.
विद्यार्थ्यांच्या कलागुणांना, हस्तकौशल्यांना वाव देण्याच्या उद्देशाने दि. १४ ऑगस्ट २०२६ रोजी म. ए. सो. वाघीरे विदयालयात मेहंदी स्पर्धेचे आयोजन केले गेले.
प्रशालेतील दुपार विभागाच्या एकूण २५० विद्यार्थ्यांनी स्पर्धेत भाग घेतला. चित्रा सहारे, रुपाली घोलप, प्रज्ञा पोटेगावकर, विद्या बंड, दीपाली लांडगे यांनी या स्पर्धेच्या परीक्षणाचे काम केले.
या स्पर्धेचे नियोजन संगीता रिकामे, रिबेका गावीत व वर्षा जगताप यांनी केले. या उपक्रमासाठी प्रशालेचे उपमुख्याध्यापक शंतनू सुरवसे, पर्यवेक्षिका अर्चना लडकत यांनी मार्गदर्शन केले. उत्साहपूर्ण वातावरणात ही स्पर्धा पार पडली.
स्पर्धेत इयत्तेनुसार प्रथम क्रमांकाने यशस्वी झालेले विद्यार्थी
१) ५ वी - आरोही सागर भिसे.
२) ६ वी- कृष्णानंदी सुनील जगताप
३) ७ वी-स्वराली सुखदेव झेंडे
४) ८ वी- पूर्वा हरिश्चंद्र गायकवाड आणि कार्तिक गोकुळ हिप्परकर (विभागून)
५) इ.९ वी- युगंधरा वीरेंद्र हेंद्रे आणि जान्हवी नितीन पोटे (विभागून)
६) १० वी- राजलक्ष्मी संजय काकडेआणि रिझा इमरान बागवान (विभागून)
दि. १४ ऑगस्ट २०२६ रोजी म.ए.सो. वाघीरे विद्यालय, सासवड येथे इयत्ता सातवीतील सर्व विद्यार्थी व विद्यार्थिनींसाठी पर्यावरणपूरक राखी कार्यशाळा आयोजित करण्यात आली.
या कार्यशाळेसाठी प्रमुख पाहुण्या म्हणून प्रशालेच्या माजी विद्यार्थिनी आणि म ए सो बालविकास मंदिर प्रशालेत शिक्षिका म्हणून कार्यरत असलेल्या राजगौरी जगताप या उपस्थित होत्या.
कलाशिक्षक उमेश पवार यांनी विद्यार्थ्यांमध्ये पर्यावरण संवर्धनाची जाणीव निर्माण करणे, प्लास्टिक व थर्माकोलचा वापर टाळणे आणि 'टाकाऊपासून टिकाऊ' या संकल्पनेला प्रोत्साहन देणे हा कार्यशाळेचा मुख्य उद्देश सांगितला.
कार्यशाळेसाठी महाराष्ट्र एज्युकेशन सोसायटीतर्फे सर्व विद्यार्थ्यांना पर्यावरणपूरक राखी किटचे वाटप करण्यात आले होते. या किटमधील पर्यावरणाला हानी न पोहोचविणारे विविध प्रकारचे साहित्य (जसे बांबूच्या काड्या, लाकडी मणी, कागद व बिया इ.) वापरून आकर्षक राख्या तयार करण्याबाबत मार्गदर्शन राजगौरी जगताप यांनी प्रात्यक्षिकद्वारे केले.
उपमुख्याध्यापक शंतनू सुरवसे यांनी आपल्या मनोगतात ‘अशा उपक्रमातून विद्यार्थ्यांच्या सर्जनशीलतेला, कलागुणांना व कार्यानुभवाला चालना मिळते; पर्यावरणाला हानी न पोहोचवता नवनिर्मितीचा आनंद विद्यार्थ्यांनी अशाच विविध उपक्रमांद्वारे घ्यावा तसेच विद्यार्थ्यांसाठी निसर्गाचे रक्षण, हेच खरे रक्षाबंधन होय’ असा संदेश दिला.
या कार्यशाळेत विद्यार्थ्यांनी उत्स्फूर्त सहभाग घेत स्वतःच्या कल्पकतेने सुंदर व आकर्षक पर्यावरणपूरक राख्या तयार केल्या.
कार्यशाळेच्या यशस्वी आयोजनासाठी उमेश पवार,अश्विनी सावर्डेकर, चित्रा सहारे या शिक्षक-शिक्षिकांनी सहकार्य केले.
देशभक्तीचा उत्साह आणि राष्ट्रप्रेमाची भावना जागवत विद्यालयात भारताचा ८० वा स्वातंत्र्यदिन अत्यंत उत्साहपूर्ण वातावरणात साजरा करण्यात आला. म. ए. सो. वाघीरे संकुलातील पूर्व प्राथमिक, प्राथमिक, माध्यमिक, उच्च माध्यमिक तसेच इंग्लिश मिडियम विभागातील विद्यार्थी, शिक्षक व कर्मचारी या सोहळ्यात उत्स्फूर्तपणे सहभागी झाले.
या कार्यक्रमासाठी म. ए. सो. संस्थेच्या नियामक मंडळाचे सदस्य व वाघीरे विद्यालयाच्या शाला समितीचे अध्यक्ष मा. राहुलजी मिरासदार कार्यक्रमाचे अध्यक्ष म्हणून उपस्थित होते. भारतीय सैन्यदलातील निवृत्त मेजर नितीन राऊत तसेच म. ए. सो. वाघीरे ज्युनिअर कॉलेजचे सेवानिवृत्तीच्या उंबरठ्यावर असलेले प्राध्यापक नामदेव कोऱ्हाळे यांच्या शुभहस्ते ध्वजारोहण करण्यात आले.
इंग्लिश मिडियम विभागातील विद्यार्थिनींनी राष्ट्रगीत, महाराष्ट्र गीत व ध्वजगीत सादर करून वातावरणात देशभक्तीची उर्जा निर्माण केली. माध्यमिक विभागातील N.C.C. (आर्मी व नेव्ही) आणि विद्यालयातील विद्यार्थ्यांचे घोषपथक यांच्या शिस्तबद्ध संचलनाने उपस्थितांची मने जिंकली.
प्राथमिक विभागाचे शिक्षक माणिक शेंडकर यांनी प्रमुख अतिथींचा परिचय करून दिला. पूर्व प्राथमिक विभागातील चिमुकल्या बालचमूने ‘नन्हा मुन्ना राही हूँ, देश का सिपाही हूँ’ या गीताचे सुंदर सादरीकरण करून उपस्थितांची दाद मिळवली.
कार्यक्रमाचे प्रमुख अतिथी नितीन राऊत यांनी सैन्यदलातील आपल्या वीस वर्षांच्या सेवाकाळातील अनुभव कथन करत विद्यार्थ्यांमध्ये राष्ट्रप्रेम, देशभक्ती आणि देशसेवेची प्रेरणा जागवली.
प्राध्यापक नामदेव कोऱ्हाळे यांनी आपल्या संदेशातून विद्यार्थ्यांना स्वच्छता, देशप्रेम आणि वडीलधाऱ्यांचा मान राखण्याचे महत्त्व पटवून दिले. त्यांनी आपल्या प्रेरणादायी विचारांनी विद्यार्थ्यांना सामाजिक जबाबदारीची जाणीव करून दिली.
या कार्यक्रमासाठी प्रशालेचे उपमुख्याध्यापक शंतनू सुरवसे, पर्यवेक्षिका अर्चना लडकत, प्राथमिक विभागाचे मुख्याध्यापक भाऊसाहेब बडदे , पूर्व प्राथमिक विभागाच्या मुख्याध्यापिका मेघा जांभळे आणि इंग्लिश मिडियम स्कूलच्या मुख्याध्यापिका सरोज जांगडा हे मान्यवरही उपस्थित होते.
कार्यक्रमाचे सूत्रसंचालन प्राथमिक विभागाच्या शिक्षिका सौ. अमृता जगताप यांनी प्रभावीपणे केले. कार्यक्रमानंतर प्रशालेतील सर्व विद्यार्थ्यांना खाऊचे वाटप करण्यात आले आणि त्यानंतर या देशभक्तिपूर्ण सोहळ्याची सांगता झाली.
राष्ट्रीय बाल स्वास्थ्य कार्यक्रमांतर्गत आज दि १७ ऑगस्ट २०२६ रोजी सासवडच्या ग्रामीण रुग्णालयातर्फे इयत्ता पाचवी ते बारावीच्या विद्यार्थ्यांची आरोग्य तपासणी करण्यात आली.
शाळेची एकूण विद्यार्थी संख्या १५१२ इतकी असून त्यापैकी १२४२ विद्यार्थी आज विद्यालयामध्ये हजर होते या सर्व विद्यार्थ्यांची आरोग्य तपासणी पूर्ण झाली. त्यापैकी ७७ विद्यार्थ्यांना आरोग्याच्या तक्रारी असल्याचे दिसून आलेले होते. त्यापैकी ६७ जणांच्या वरती औषधोपचार करण्यात आले व त्यांना वैद्यकीय सल्ला देण्यात आला.
वाघीरे विद्यालयाच्या सन १९८१ च्या एस.एस.सी. बॅचचा ४५ वर्षांनंतरचा 'स्नेहमेळावा' रविवार, दिनांक २३ ऑगस्ट २०२६ रोजी वाजता विद्यालयाच्या प्रांगणात संपन्न झाला.
या स्नेहमेळाव्यासाठी १९८१ च्या बॅचमधील एकूण १८१ पैकी जवळपास ९१ माजी विद्यार्थी उपस्थित होते. यापैकी अनेक विद्यार्थी आज उच्चपदस्थ अधिकारी, व्यावसायिक आहेत तसेच राजकीय क्षेत्रातही प्रतिष्ठित पदांवर कार्यरत आहेत.
या सोहळ्याला विद्यालयाचे मुख्याध्यापक श्री. राजेंद्र कांबळे, उपमुख्याध्यापक श्री. शंतनू सुरवसे , बालविकास मंदिर प्रशालेचे मुख्याध्यापक श्री. भाऊसाहेब बडदे, बॅचचे समन्वयक- शिक्षक श्री. श्रीपाद तुंगार , आणि श्री शंकर विभाड हे सर्वजण उपस्थित होते.
प्रशालेचे माजी मुख्याध्यापक श्री. ज्ञानेश्वर मासाळ , माजी शिक्षक श्री. श्रीकांत देशपांडे , श्री बोराडे व श्री झेंडे यांनीही उपस्थित राहून कार्यक्रमाची शोभा वाढवली.
कार्यक्रमाचे सूत्रसंचालन माजी विद्यार्थी श्री. संजय पवार यांनी केले. विद्यार्थी मनोगता मध्ये पुणे येथे स्थायिक असलेले प्रसिद्ध पत्रकार व सिने दिग्दर्शक श्रीकृष्ण देशपांडे आणि सासवडच्या माजी नगरसेविका सौ. पुष्पाताई नंदकुमार जगताप यांनी आपल्या मनोगतातून शाळेबद्दल आणि शिक्षकांबद्दल कृतज्ञता व्यक्त केली. म.ए.सो. वाघीरे विद्यालयाने दिलेले संस्कार व शिक्षण त्यांच्या आयुष्यात किती महत्त्वपूर्ण ठरले आणि त्यांनी आयुष्य कसे समृद्ध करून गेले, यासंबंधी भावुक मनोगत त्यांनी व्यक्त केले.
यावेळी श्री.भाऊसाहेब बडदे , श्री. राजेंद्र कांबळे आणि श्री. शंतनू सुरवसे यांनी शाळेपुढील विविध आव्हाने, त्यांना तोंड देत सुरू असलेली वाटचाल, तसेच माजी विद्यार्थ्यांचे सहकार्य आणि शाळेच्या होत असलेल्या प्रगतीबद्दल सविस्तर विचार मांडले. ४५ वर्षानंतरही माजी विद्यार्थ्यांनी ज्या उत्स्फूर्तपणे आणि एकजुटीने हा मेळावा आयोजित केला, त्याचे त्यांनी कौतुक केले.
हा मेळावा यशस्वी व्हावा यासाठी माजी विद्यार्थी श्री. संजय पवार, श्री संतोष आबा काकडे,श्री मोहन टिळेकर, विठ्ठलराव कोंडे, सुनील काकडे तसेच बॅचचे कॉर्डिनेटर श्री. तुंगार सर आणि इतर सहकाऱ्यांनी अत्यंत परिश्रमाने नियोजन केले होते.
विद्यालयात दि. २९ ऑगस्ट २०२६ रोजी राष्ट्रीय क्रीडादिन उत्साहपूर्ण वातावरणात साजरा करण्यात आला.
कार्यक्रमासाठी प्रशालेचे मा. मुख्याध्यापक श्री. राजेंद्र कांबळे, पर्यवेक्षिका सौ. अर्चना लडकत, प्रमुख वक्ते श्री. शंकर विभाड, श्री. अभिजित तोडकर तसेच प्रशालेतील शिक्षक व शिक्षकेतर कर्मचारी उपस्थित होते.
कार्यक्रमाची सुरुवात हॉकीचे जादूगार मेजर ध्यानचंद यांच्या प्रतिमेचे पूजन करून करण्यात आली. कार्यक्रमाचे प्रास्ताविक सौ. संगीता रिकामे यांनी केले. आपल्या प्रास्ताविकातून त्यांनी राष्ट्रीय क्रीडादिनाचे महत्त्व स्पष्ट करत “Sound mind in a sound body” या विचारातून खेळ आणि आरोग्य यांचा अतूट संबंध विद्यार्थ्यांना समजावून सांगितला.
यानंतर श्री. सूर्यकांत खैरनार यांनी उपस्थित मान्यवरांचा परिचय करून दिला. प्रशालेच्या पर्यवेक्षिका सौ. अर्चना लडकत यांनी प्रमुख वक्ते श्री. शंकर विभाड व श्री. अभिजित तोडकर यांचे पुष्प देऊन स्वागत केले.
प्रमुख अतिथी श्री. शंकर विभाड यांनी आपल्या मार्गदर्शनातून मेजर ध्यानचंद यांना “हॉकीचे जादूगार” का म्हटले जाते, हे त्यांच्या जीवनातील प्रेरणादायी प्रसंग व गोष्टींच्या माध्यमातून विद्यार्थ्यांना सांगितले. तसेच राष्ट्रीय शैक्षणिक धोरण २०२० (NEP 2020) नुसार शारीरिक शिक्षणाला मिळणाऱ्या महत्त्वावर प्रकाश टाकत विद्यार्थ्यांनी आपल्या शारीरिक तंदुरुस्तीबरोबरच आरोग्याकडेही अधिक लक्ष दिले पाहिजे, असे प्रतिपादन केले.
राष्ट्रीय क्रीडादिनाच्या निमित्ताने विद्यार्थ्यांमध्ये खेळ, आरोग्य, शारीरिक तंदुरुस्ती आणि क्रीडाभावना यांविषयी जागृती निर्माण झाली. उत्साहपूर्ण वातावरणात झालेल्या या कार्यक्रमामुळे विद्यार्थ्यांना निरोगी शरीर आणि प्रसन्न मनाचे महत्त्व समजले.
प्रशालेत दि २९ ऑगस्ट रोजी विश्वसंस्कृतदिन उत्साहात साजरा करण्यात आला. त्यानिमित्ताने आयोजित केलेल्या कार्यक्रमासाठी विद्यालयाचे मुख्याध्यापक श्री राजेंद्र कांबळे आणि पर्यवेक्षिका सौ अर्चना लडकत आणि संस्कृत शिक्षक श्री अभिजित तोडकर यांची उपस्थिती होती.
या संपूर्ण कार्यक्रमाचे सूत्रसंचालन इयत्ता नववी तक्षशिला या वर्गातील विद्यार्थिनी कुमारी तनिष्का खटाटे हिने संस्कृतमधून केले. इयत्ता दहावी तक्षशिला आणि नालंदा तसेच इयत्ता नववी तक्षशिला या वर्गांमधील अनेक विद्यार्थ्यांनी संस्कृत दिनानिमित्त आपली मनोगते व्यक्त केली. त्यातून त्यांनी संस्कृत भाषेचे महत्त्व, संस्कृतमधील वेदवाङ्मय, पंचमहाकाव्ये , सुभाषिते, संस्कृतच्या प्रसार आणि प्रचारासाठी राष्ट्रीय आणि आंतरराष्ट्रीय पातळीवरती कार्य करणाऱ्या संस्कृत भारती ही संस्था या सर्वांची माहिती विद्यार्थ्यांना दिली. ते विद्यार्थी आणि त्यांनी मांडलेले विषय पुढील प्रमाणे आहेत--
१) संस्कृत दिनाचे महत्त्व--चि सोहम कुरकुटे
२) संस्कृत भाषेचे महत्त्व-- कु स्मृती गीते
३) संस्कृत सुभाषिते -- चि सार्थक लोखंडे
४) संस्कृतमधील वेदवाङ्मय--कु अनघा जगताप
५) संस्कृतमधील पंचमहाकाव्ये--कु सई बडधे
६) पंचतंत्रातील कथा-- चि वरद गायकवाड
कार्यक्रमाचे आभारप्रदर्शन संस्कृत शिक्षक श्री अभिजित तोडकर यांनी केले. विद्यार्थ्यांनी केवळ गुण मिळविण्याचा विषय म्हणून संस्कृतकडे न पाहता आपल्या व्यक्तिमत्त्वाला उत्तम वळण देण्याचे साधन म्हणून संस्कृतचा अभ्यास करावा असे आवाहन त्यांनी केले.
विद्यालयात ५ सप्टेंबर २०२६ रोजी शिक्षक दिन उत्साहात साजरा करण्यात आला.
या निमित्ताने शाळेतील इयत्ता सातवीच्या आणि दहावीच्या विद्यार्थ्यांसाठी ‘विद्यार्थी शिक्षक’ हा विशेष उपक्रम आयोजित करण्यात आला. या उपक्रमांतर्गत विद्यार्थ्यांनी शिक्षकांची भूमिका स्वीकारून विविध वर्गांमध्ये जाऊन विद्यार्थ्यांना अध्यापन केले. विद्यार्थ्यांनी आपल्या आवडीच्या विषयांची पूर्वतयारी करून पाठाचे नियोजन केले व आत्मविश्वासाने वर्गासमोर अध्यापन केले.
त्यामुळे विद्यार्थ्यांना प्रत्यक्ष शिक्षकाची भूमिका अनुभवता आली. या उपक्रमातून विद्यार्थ्यांमध्ये आत्मविश्वास, वक्तृत्वकौशल्य, नेतृत्वगुण, वेळेचे नियोजन, जबाबदारीची जाणीव आणि अध्यापनकौशल्य विकसित होण्यास मदत झाली.तसेच शिक्षकांचे कार्य किती महत्त्वाचे व जबाबदारीचे आहे, याची विद्यार्थ्यांना जाणीव झाली.
या उपक्रमास शाळेचे मुख्याध्यापक, शिक्षकवृंद व विद्यार्थ्यांचे मोलाचे मार्गदर्शन व सहकार्य लाभले.
पुरंदर तालुका पंचायत समिती, सासवड आणि वाघीरे विद्यालय यांच्या सहकार्यातून विद्यालयात राष्ट्रिय विज्ञान नाट्योत्सव (NSDF) आयोजित करण्यात आला. या उपक्रमाचा मुख्य विषय 'विज्ञान आणि समाज' हा होता.
नाट्योत्सवाच्या उद्घाटन प्रसंगी पुरंदर तालुका गटशिक्षणाधिकारी श्री. राजकुमार बामणे प्रमुख पाहुणे म्हणून उपस्थित होते. तसेच पोलीस अधीक्षक श्री. कदम साहेब, जेऊर हायस्कूलचे मुख्याध्यापक श्री. प्रदीप दुर्गाडे, न्यू इंग्लिश स्कूल, सासवडचे मुख्याध्यापक श्री. ढमाळ, वाघीरे हायस्कूलचे मुख्याध्यापक श्री. राजेंद्र कांबळे उपमुख्याध्यापक श्री. शंतनू सुरवसे हे मान्यवर उपस्थित होते.
कार्यक्रमाचे प्रास्ताविक श्री. प्रदीप दुर्गाडे यांनी केले.गटशिक्षणाधिकारी श्री. बामणे सर यांनी विद्यार्थ्यांशी संवाद साधत आपल्या जीवनामध्ये विज्ञान व गणिताचे महत्त्व अनन्यसाधारण आहे असे सांगितले. तसेच विद्यार्थ्यांना त्यांनी 'इंटरस्टेलर' (Interstellar) व 'लॉस्ट इन स्पेस' (Lost in Space) हे विज्ञान-चित्रपट पाहण्याचा सल्ला दिला, ज्यायोगे विज्ञान किती पुढे गेले आहे याची कल्पना विद्यार्थ्यांना मिळू शकेल.
या कार्यक्रमाचे सूत्रसंचालन विद्यालयातील विज्ञानशिक्षिका सौ वर्षा जगताप यांनी केले तर आभारप्रदर्शन मुख्याध्यापक श्री राजेंद्र कांबळे यांनी केले.
नाट्योत्सवांतर्गत झालेल्या नाट्यस्पर्धेसाठी तालुक्यातील एकूण १८ शाळांमधील विद्यार्थी व विज्ञान शिक्षक मोठ्या संख्येने उपस्थित होते.
या स्पर्धेसाठी परीक्षक म्हणून श्री.जगताप व श्री. खोत यांनी कामकाज पाहिले.
स्पर्धेचा निकाल पुढीलप्रमाणे आहे--
१) प्रथम क्रमांक --कल्याणी पब्लिक स्कूल बेलसर.
(कृत्रिम बुद्धिमत्ता मित्र , साधन या धोका)
२) द्वितीय क्रमांक--
भुलेश्वर विद्यालय माळशिरस
(महासागराची पुनर्जीवन पिढ्यांच जतन)
३) तृतीय क्रमांक-- न्यू इंग्लिश स्कूल, मांडकी
(इलेक्ट्रॉनिक्स आणि पुढचा मार्ग)
४) उत्तेजनार्थ पारितोषिक--
म. ए. सो. वाघीरे हायस्कूल सासवड
(AI मित्र की धोका)
शिक्षणाच्या क्षेत्रामध्ये आपल्या कार्याने उत्तम ठसा उमटवणाऱ्या वाघीरे विद्यालयातील शिक्षकांचा आणि मुख्याध्यापकांचा विविध समाजिक संस्थांद्वारे आदर्श शिक्षक आणि आदर्श मुख्याध्यापक पुरस्काराने गौरव करण्यात आला. विद्यालयाचे मुख्याध्यापक श्री राजेंद्र कांबळे यांना आदर्श मुख्याध्यापक म्हणून विज्ञानशिक्षक श्री श्रीपाद तुंगार आणि गणित शिक्षिका सौ रूपाली घोलप यांना आदर्श मुख्याध्यापक म्हणून एन् जी आर असोसिएट्स् पुणे या संस्थेने 'महात्मा ज्योतिबा फुले ज्ञानयात्री पुरस्कारा'ने सन्मानित केले.
विद्यालयात गणेशोत्सवानिमित्त प्रतिष्ठापित करण्यात आलेल्या श्री गणेशमूर्तीचा विसर्जन सोहळा शनिवार, दिनांक १९ सप्टेंबर रोजी अत्यंत भक्तिमय, उत्साहपूर्ण आणि शिस्तबद्ध वातावरणात पार पडला.
सकाळच्या सत्रात शाळेच्या प्रांगणातून श्रीगणेशाची भव्य विसर्जन मिरवणूक काढण्यात आली. विद्यालयाच्या एनसीसी (NCC) विभागातील विद्यार्थ्यांनी घोष पथकाच्या तालावर केलेल्या संचलनाने आणि शिस्तबद्ध मांडणीने सर्वांचे लक्ष वेधून घेतले. "गणपती बाप्पा मोरया, पुढच्या वर्षी लवकर या!" या जयघोषाने आणि विद्यार्थ्यांच्या भक्तीपर गीतांनी संपूर्ण परिसर दुमदुमून गेला होता.
विसर्जनापूर्वी शाळेतील शिक्षक श्री. पाठक सर यांच्या हस्ते श्रीगणेशाची विधिवत महाआरती करण्यात आली. यानंतर सर्व उपस्थित मान्यवर, शिक्षक आणि विद्यार्थ्यांनी गणरायाला भावपूर्ण निरोप दिला. पर्यावरणाचे भान जपत विद्यार्थ्यांनी पर्यावरणपूरक पद्धतीने मूर्तीचे विसर्जन केले तसेच विसर्जन परिसरात स्वच्छता आणि शिस्तीचा आदर्श घालून दिला.
या कार्यक्रमास विद्यालयाचे मुख्याध्यापक श्री. कांबळे सर, उपमुख्याध्यापक श्री. सुरवसे सर, पर्यवेक्षिका सौ. लडकत मॅडम यांच्यासह सर्व शिक्षक, शिक्षकेतर कर्मचारी व बहुसंख्य विद्यार्थी उपस्थित होते. शिक्षकांच्या मार्गदर्शनाखाली संपूर्ण कार्यक्रमाचे उत्तम नियोजन करण्यात आले, तर एनसीसी कॅडेट्सनी चोख व्यवस्थापन सांभाळले. अशा प्रकारे विद्यालयातील गणेशोत्सवाची सांगता अत्यंत देखण्या आणि प्रेरणादायी वातावरणात झाली.
स्वच्छ, सुंदर व निरोगी सासवड शहर घडवण्याच्या उद्देशाने मंगळवार, दिनांक २२ सप्टेंबर रोजी 'ओला-सुका कचरा जनजागृती' कार्यक्रमाचे आयोजन करण्यात आले होते. याप्रसंगी प्रमुख मार्गदर्शक म्हणून सासवड नगरपरिषदेचे शहर समन्वयक श्री. राम कारंडे उपस्थित होते.
कार्यक्रमादरम्यान कचऱ्याची योग्य विल्हेवाट आणि वर्गीकरण याविषयी सविस्तर माहिती देण्यात आली. अन्नाचे अवशेष, भाजीपाला व फळांच्या साली, बागेतील जैविक घटक हा सर्व ओला कचरा असून; कागद, प्लास्टिक, काच, धातू आणि पुठ्ठा हे घटक सुक्या कचऱ्यात मोडतात, हे विविध उदाहरणांद्वारे समजावून सांगण्यात आले.
उपस्थितांना मार्गदर्शन करताना श्री. राम कारंडे म्हणाले की, "कचरा व्यवस्थापनाची खरी सुरुवात आपल्या घरापासूनच व्हायला हवी. घरातच ओला व सुका कचरा वेगळा ठेवल्यास ओल्या कचऱ्यापासून उत्तम दर्जाचे कंपोस्ट खत तयार करता येते, तर सुक्या कचऱ्याचा पुनर्वापर व पुनर्चक्रण (रिसायकलिंग) सहज शक्य होते." याशिवाय दैनंदिन जीवनात एकल-वापर प्लास्टिकचा (Single-use plastic) वापर टाळणे आणि सार्वजनिक ठिकाणी कचरा न फेकणे याविषयीही त्यांनी आवाहन केले.
कार्यक्रमात विद्यार्थी व उपस्थितांनी कचरा वर्गीकरणाची दैनंदिन सवय अंगीकारण्याचा आणि शहर स्वच्छ ठेवण्याचा सामूहिक संकल्प केला. या उपक्रमामुळे उपस्थितांमध्ये कचरा व्यवस्थापनाबाबत नवी जाणीव निर्माण झाली. कार्यक्रमाच्या शेवटी प्रमुख मार्गदर्शक श्री. राम कारंडे यांचे आभार मानण्यात आले. स्वच्छ व पर्यावरणपूरक शहरासाठी प्रत्येकाने सक्रिय योगदान देण्याचा संदेश देत कार्यक्रमाची सांगता झाली.
महाराष्ट्र शासनाच्या ‘स्वच्छ शाळा, सुंदर शाळा’ अभियानांतर्गत येथील म. ए. सो. वाघीरे विद्यालयात ‘जल ही जीवन है’ या घटकावर आधारित विशेष जलजागृती उपक्रम उत्साहात संपन्न झाला. विद्यार्थ्यांमध्ये पाण्याचे महत्त्व बिंबवणे, पाण्याचा अपव्यय रोखणे आणि जलसंवर्धनाची जाणीव निर्माण करणे हा या कार्यक्रमाचा मुख्य उद्देश होता.
या कार्यक्रमाचे मुख्य आकर्षण इयत्ता आठवीतील विद्यार्थिनी कु. अनुप्रिया पाडळकर हिने सादर केलेली ‘मी पाण्याची बाटली बोलतेय...’ ही एकांकिका ठरली. या सादरीकरणातून तिने पाण्याचा दैनंदिन जीवनातील गैरवापर, पिण्याच्या पाण्याची होणारी नासाडी आणि जलस्रोतांचे संरक्षण काळाची गरज कशी बनले आहे, हे अत्यंत प्रभावी अभिनयातून मांडले. तिच्या या सादरीकरणाला सर्व विद्यार्थी व शिक्षकांनी टाळ्यांच्या कडकडाटात दाद दिली.
त्यानंतर शिक्षिका सौ. सावंत मॅडम यांनी एका प्रेरक बोधकथेतून विद्यार्थ्यांना मार्गदर्शन केले. "पाण्याचा प्रत्येक थेंब अनमोल असून भविष्यासाठी पाण्याची काटकसर करणे ही प्रत्येकाची नैतिक जबाबदारी आहे," असे त्यांनी सांगितले.
कार्यक्रमास इयत्ता पाचवी ते सातवीचे विद्यार्थी, मुख्याध्यापक, उपमुख्याध्यापक, पर्यवेक्षिका तसेच सर्व शिक्षकवृंद मोठ्या संख्येने उपस्थित होते. उपक्रमाच्या शेवटी सर्व विद्यार्थ्यांनी पाणी बचतीचा संकल्प केला. ‘पाणी वाचवा – जीवन वाचवा’ असा संदेश देत कार्यक्रमाची सांगता झाली.
विद्यार्थ्यांमध्ये आरोग्याविषयी सजगता निर्माण व्हावी, स्वच्छतेच्या चांगल्या सवयी रुजाव्यात आणि विविध संसर्गजन्य आजारांपासून बचाव व्हावा, या उद्देशाने येथील म. ए. सो. वाघीरे विद्यालयात इयत्ता ५ वी ते ७ वीच्या विद्यार्थ्यांसाठी ‘हात धुणे प्रात्यक्षिक व जनजागृती’ उपक्रम उत्साहात संपन्न झाला.
या उपक्रमांतर्गत विद्यार्थ्यांना साबण आणि स्वच्छ पाण्याचा वापर करून शास्त्रीय पद्धतीने हात कसे धुवावेत, याचे प्रत्यक्ष प्रात्यक्षिक दाखवण्यात आले. केवळ तळहात न चोळता बोटांमधील फटी, नखे, अंगठे आणि मनगटाची स्वच्छता कशी करावी, याच्या पायऱ्या विद्यार्थ्यांना समजावून सांगण्यात आल्या. प्रात्यक्षिकानंतर सर्व विद्यार्थ्यांकडून प्रत्यक्ष हात धुण्याचा सरावही करून घेण्यात आला.
याप्रसंगी बोलताना शिक्षकांनी सांगितले की, जेवणापूर्वी व जेवणानंतर, शौचास जाऊन आल्यानंतर, खेळून आल्यावर तसेच अस्वच्छ वस्तूंना स्पर्श झाल्यानंतर हात स्वच्छ धुणे आरोग्यासाठी अत्यावश्यक आहे. हातांची योग्य स्वच्छता राखल्यास जंतूंचा प्रादुर्भाव रोखला जाऊन अनेक संसर्गजन्य आजारांपासून सहज बचाव होऊ शकतो, हे विविध दैनंदिन उदाहरणे व छोट्या गोष्टींच्या माध्यमातून स्पष्ट करण्यात आले.
इयत्ता पाचवी ते सातवीच्या सर्व विद्यार्थ्यांनी या उपक्रमात अत्यंत उत्स्फूर्तपणे सहभाग नोंदवला. विद्यालयातील शिक्षकवृंद व मान्यवरांच्या मार्गदर्शनाखाली हा उपक्रम यशस्वीरीत्या पार पडला. या उपक्रमामुळे विद्यार्थ्यांमध्ये वैयक्तिक स्वच्छतेची सवय अधिक दृढ होण्यास मदत झाली आहे.